Diasabra atardi personanan riba lama a tuma nota di un avion bulando basta abou y basta lihe lo a laga algo cay for di e avion y esaki a cay den lama. E hendenan a kere ta dropping a tuma luga y un boto a yega cerca di esaki. Di biaha a raporta na autoridad unda patruyanan di San Nicolas, Maritiem y kustwacht a keda poni na altura.
Manera patruya a yega na e punta pariba a mira con dos boto a sali for di cabes di Aruba bay direccion pazuid despues bay pabou. Na caminda boto di Polis maritimo a para e botonan y tene un listramento. Dos boto a notifica e polisnan maritimo cu ta avion di kustwacht nan a wak y algo a cay for di e avion.
A bin haya cushinchi benta riba lama, ora a bay controla cu e radar di kustwacht na Curacao tabata berdad cu den careda cu e hendenan a wak e avion tabata avion di kustwacht mes a pasa basta abou. No por menciona cu loke a keda den awa tabata algo pa midi cu sa haci.