E personal di Materiële Instandhouding CARIB (MICAR) normalmente ta traha ariba e armamento di defensa: barco, vehiculonan y otro instalacionnan. Diaranson ultimo, en cambio, nan no tabata trahando na Parera, pero a bay duna un man na Stichting Birgen di Rosario, cu ta duna cuido na e grandinan. Na prome instancia a pidi pa haci e zolder limpi y ruim op tur cos, cu door di e paso di tempo a warda hopi cos cu mester wordo benta afo.
Den un teatro cercano tambe mester a wordo haci limpi. Pero den e combersacionnan a bin sali na cla cu tin hopi mas otro cos pa haci. Mainta trempan tabata tin mas o menos 60 homber y muhe di MICAR cla pa duna un man. E muraya pafo di Nijlweg mester a wordo geverf di nobo. Den e parki yama Hòfi Wayaká, tanto e mesa, banki y e porta di entrada tambe tabata tin mester di un man di verf. Pa 10 or, e habitantenan, boluntario y miembronan di staf a ricibi un kopie koffie, thee y un sandwich. Na final di e mainta, e trabaonan a keda finalisa. Pa e fundacion esaki tabata un bon impulso y pa e personal di MICAR un oportunidad brinda pa duna un man na e instancia cu ta duna cuido na mas di 300 persona di edad.