Personal di Arubahuis a cera conoci cu director a.i. Glenn Ling

0

DEN HAAG, Hulanda – Durante un encuentro den Sala Betico di Arubahuis, dialuna 5 di februari, Minister Plenipotenciario Guillfred Besaril a haci introduccion na e personal di Arubahuis y ATA Europa Glenn Ling como director a.i. na Arubahuis. Tambe e mandatario a haci uso di e oportunidad pa presenta su distinguida esposa Siglaine Besaril-Wever y esposa di Glenn Ling, Brenda Ling-Larmonie na e personal.

Minister Besaril a bisa di ta hopi contento cu sr. Ling a acepta e encargo como director a.i. na Arubahuis y asina guia e proceso unda Arubahuis mester transforma di un organisacion administrativo pa uno cu ta brinda mas servicio na e comunidad Arubano na Hulanda, sea esaki ta studiante, Arubiano cu ta na Hulanda pa cuido medico of cualkier yui di tera cu mester asistencia.
Sr. Ling a gradici Minister Besaril pa e confiansa poni den su persona pa logra e retonan cu tin poni pa Arubahuis y cu e cooperacion di tur trahando na Arubahuis ta clave den realisa esaki.
Despues di e introduccion sr. Ling a cera conoci personalmente cu e personal y a tende di nan funcion na Arubahuis.

Via Facebook di Arubahuis Minister Besaril a duna un declaracion live riba e introduccion di sr. Ling como director a.i. di Arubahuis.

Potretnan ta cortesia di Cas di Aruba.

Comments

comments