Diamars atardi autoridad a keda informa cu tin un desgracia den cayanan di Paradijs entre auto y brommer y un persona herida cu kap serio na cabes. Ambulance cu urgencia a bay pa e sitio. Pero na caminda di e ambulance DT-66 nan ta hayanan confronta cu un toyota glanza blauw A-6512 tabata core iresponsabel nan tras.
Ta conoci ora di casonan di emergencia ambulance ta usa velocidad y algo pasa nan dilanti cu nan brake di golpi anto un vehiculo core pega nan tras por causa un desgracia tanto pa esnan sinta patras den ambulance y pa e chauffeur.
Awel e chauffeur di e glanza a opta pa pega tras di e ambulance pa e yega e accidente na Paradijs. E paramedico femenino cu su razon a baha for di e ambulance y bay reclama e homber bisti na cora.
E ta sacado di potret e no ta un prensa, y ta yuda un otro pagina web di noticia y e ta un ambtenaar cu ta traha na inmigracion. E tabata ignora e personal di ambulance cu tabata papia cune pa hala su atencion, pero ta conoci cu e sacado di potret tin un manera fresco y e ta kere pasobra e ta ambtenaar ningun hende no por bise nada.
Pero bo no por confundi bo trabou di ambtenaar como husticia pa un sacado di potret y ta kere ta abo ta manda. Ta conoci cu prensa ta drenta accion lihe cu nan auto y cu velocidad kier yega un asistencia pero nunca ta bay basta pega tras di un auto di emergencia treciendo bida di otro na peliger.
IMSAN sigur lo tuma paso contra di personanan asina cu ta ore tras di ambulance riba un emergencia treciendo tanto bida di esnan den e ambulance na peliger y nan propio bida.