ambulance
Durante un entrevista cu Secretaria General di SEPPA Magaly Brito a puntr’e con a para cu e personal di Ambulans cu no a firma e acuerdo cu INSAM.  Awor e grupo di trahador aki ta keda ambtenaar pero na cas cu pago.E desicion den prome instante tabata bay aden dia prome di januari y esaki ta algo cu SEPPA no tabata di acuerdo cune paso esaki ta ensera cu tur trahador cu ta ambtenaar y ta na disposicion di Centro Medico lo mester tuma un desicion si nan ta pasa pa INSAM si of no. SEPPA a wordo aserca pa gerencia di INSAM pa wak kico ta e condicionnan cu nan kier elabora pa convence e ambtenaarnan aki. E fecha no a bay aden mas y ningun dia e Mandatario di Salubridad a reuni cu e trahadornan. Despues di hopi insistencia di parti di SEPPA siman pasa porfin Minister a traha tempo pa sinta cu SEPPA. Pero SEPPA ta haya cu e reunion no tabatin ningun sentido ya cu e Minister ta keda para riba su desicion cu el a tuma riba su mes sin discuti cu e sindicato concerni.
E trahadornan a dicidi cu nan no ta bay traha pa INSAM y ta keda mabtenaar di Directie Volksgezondheid y awor ta keda cas cobrando nan placa sin haci nada. Nan lo keda pendiente te ora Gobierno busca un otro trabou pa nan haci. Segun Magaly Brito, e trahadornan ta hayanan obliga di keda cas pa via di desicionnan unilateral cu Gobierno ta tuma. Pues awor mientras cu ya caba tin scasedad den e sector aki pa trahadornan, un grupo di hende ta keda cas atrobe. Segun Magaly Brita, tin mas hende sinta na cas den overtolligheidspoel y aunke e no por confirma cu ta pa rasonnan politico, e cantidad di ambtenaarnan sinta pornada na cas ta keda aumenta cu cada cambio di Gobierno. Den e Gobierno anterior e Minister di e tempo ey priminti e grupo aki cu nan lo por keda den funcion di INSAM te dia nan baha cu pensioen. Awor cu ta bin cambio, no a sinta ni cu sindicato ni cu trahador.
Magaly Brito a sigui bisa cu enberdad e situacion aki no ta e miho ya cu pueblo ta paga pa hende sinta na cas pornada. Di otro banda ta pueblo mes ta esohe su Gobierno cu ta bira responsabel pa e trahadornan y tambe mester mehora e maneho. Gobierno mester sinta cu e trahadornan pa wak kico ta nanespectativa di trabou pero awor tur ta na cas y nunca lo por bay dilanti. Mester bin cu solucionnan cu ta cuadra cu e derecho di e trahadornan.