Willemstad Curacao: Djabièrnè 17 di novémber 2017, alrededor di 14.05 or, sentral di polis a dirigí e tim di Mantenshon di órden Públiko na un kaya den La Famawijk pa dos (2) hòmber kual un di nan tin un arma di kandela riba dje.
Mesora e tim a bai na e sitio i einan a topa ku e dos (2) hòmbernan na e sitio indiká pa sentral di polis i a kontrolá e dos (2) hòmbernan aki. Den un tas ku un di e hòmbernan tabata tin kologá na su garganta, polis a haña i konsfiká un revolver kaliber 38 karga ku bala skérpi. En konekshon ku esaki polis a detené e hòmber sospechoso H.J.M. nasé na Kòrsou di 24 aña di edat pa violashon di e Lei di Arma di Kandela.
A presentá e sospechoso dilanti di un Fiskal Ouksiliar ku a ordená su enkarselashon pendiente di mas investigashon.