Diaranson anochi personanan ta bati alarma na Polis unda nan tin basta dia sin mira un conoci di nan y un holor desagradabel a dalnan saliendo for di e cas. Ora nan a busca di unda e holor malo ta sali tabata for di dak y a constata cu e persona ta morto riba e dak di cas. Di biaha polis ta presenta y mira cu di berdad e persona ta morto riba e dak di cas y tabata den estado di descomposicion.
Unidad di brandweer a keda manda pa bay na e sitio pa asina subi e dak baha e curpa pa dokter constata morto. Recherche y departamento forensico tambe tabata na e sitio pa haci nan investigacion. Personal di slachtofferhulp tambe a yega na e sitio pa papia cu e famia y yudanan. Despues di algun rato bomberonan a logra baha e curpa for di e dak.
Palabra di profundo condolencia na famia di e fayecido.