Periodistanan ataca door di dronenan Israeli na e Franja di Gaza

0

FRANJA DI GAZA- Un coresponsal di Al Jazeera a afirma cu militarnan Israeli a dirigi un atake deliberadamente contra di periodistanan cu tabata cubri e disturbionan na e Franja di Gaza.

Un grupo di periodista cu tabata na e Franja di Gaza, cubriendo e protestanan masivo entre Palestino y e forsanan di Defensa di Israel a sufri un atake di un drone di e pais aki cu a lansa gasnan lacrimogeno. E coresponsal di Al Jazeera, Hoda Abdel-Hamid, cu tabata na e luga di e sucedido.

E periodista a publica e grabacionnan riba su cuenta di Twitter y a duna detayenan cu niun di e manifestantenan su rond tabata tirando piedra. “Hendenan tabata sinta, mirando for di leu mientras cu nan tabata purbando di tene nan mes safe”, el a scirbi riba su cuenta di Twitter, sigurando cu e atake contra di e periodistanan lo no haci e problema na Gaza disparce.

E periodistanan cu a sufri di e atake tabata tin helmnan bisti como tambe bulletproof vest unda cu claramente por distingui e palabra ‘prensa’. E coresponsal di Al Jazeera tambe a publica un otro video, unda cu otro periodista cu tabata cubri e echonan violenta a sufri un impacto di bala na su helm.

“Esaki a pasa tambe, mi ta bastante sigura di cu e francotiradonan di elite sa cual ta e blanco y unda e ta”, Abdel Hamid a bisa, atribuyendo e responsabilidad di tiro na e forsanan Israeli. E periodista a sigura tambe cu e hobennan cu el a wak na Gaza no tabata pertenece na e movimento Palestino Hamas, considera pa Tel Aviv como terorista y solo tabata pidi “libertad y dignidad”.

Fuente: https://www.elperiodico.com

 

Comments

comments