LA VALETA, Malta- E conocido blogger Maltes, Daphne Caruana Galizia, cu a lidera e investigacion di Panama Papers den su pais y cu a acusa e gobierno centro iskierdista di su pais di corupcion, a fayece dialuna. El a muri ora cu un bomb na su auto a explota. Esaki según fuentanen politico y policial.
Prome Minister, Joseph Muscat, a tilda e asesinato di ta un acto di “barbarie” y el a ordena e servicionan di siguridad pa dedica nan recursonan di mas grandi na e investigacion.
E explosion, cual a tuma luga pa 3 or di atardi, hora di Malta, a destrui e auto unda cu e blogger tabata sinta y e explosion tabata asina fuerte cu e restonan kima di e auto den un campo cercano.
E morto di Caruana Galizia, di 53 aña, a tuma luga cuater luna despues di cu e Partido Laborista di Muscat a logra un victoria rotundo den e eleccionnan general cu el a convoca. door di un serie di scandal unda cu personanan hopi cerca di dje, tabata implica.
Muscat, prome minister desde 2013, a delanta e eleccionnan cu un aña, pa motibo cu su minister di Energia, su hefe di gabinete y incluso su casa, a wordo acusa di tin cuentanan den paraisonan fiscal door di e divulgacion di e asina yama Panama Papers.
Pero Muscat semper a nenga e acusacionnan aki y a priminti di baha di husticia demostra e veracidad di e storia aki.
Fuente: https://www.infobae.com