Den e lunanan nos dilanti lo bay cuminsa bora na varios luga, cual ta un total di 4. Minister Mike de Mesa ta splica mas di e desaroyonan cu tin tras di boramento cu lo bay cuminsa.
El a splica cu a caba cu interpretacion y a cuminsa analisa e datonan y haci evaluacionnan na 2016, caminda cu Minister de Meza a wordo informa cu tin interes pa sigui den e siguiente fase, pero mester a bay traha riba diferente programa di exploracion. Tin cu bisa cu internacionalmente, e sector di prensa internacional lo haya un declaracion, of ta hayando esaki for di Repsol cu decision a wordo tuma cu otro aña ta bay bora den awanan teritorial di Aruba y e lo ta perforacionnan di prueba. Ainda ta bezig ta analisa e luga exacto.
Den pasado tabata tin diferente prospecto cu a mira y ta analisando. Nan lo haci por lo menos un performa. Esey no ta exclui cu lo por tin mas. E cuater luganan cu a wak mas den profundidad tabata esun cu a carga nomber Bon Bini, e otro yama Lagadishi. E otro yama Dushi y e otro yama Kinikini. Na e momento aki Bon Bini ta esun mas di interes. Esey ta e parti mas west di Aruba y panort di Aruba. Esaki ta djis pa duna un ilustracion cu e tin un profundidad di 1800 pia di awa y despues lo mester perfora mas of menos 4100 pia den e subsuelo. Pues ta un totalidad di 6000 pia di profundidad. Lagadishi ta un parti mas profundo. Esey tin un profundidad di awa di 4800. Si bay den e subsuelo, e ta papia di mas of menos 9317 pia. Ta papia aki di 10600 pia di profundidad. Esey ta casi 3000 meter di profundidad den awa cu subsuelo.
E otronan tambe ta den e mesun range aki, cu ta Dushi y Kinikini. Cu esey un biaha mas, minister de Meza ta confirma cu e decision a wordo tuma, cu a bay haci perforacion di prueba parti panort di Aruba, den e subsuelo, bao di awanan teritorial di Aruba. Ta un trabao sumamente grandi cu a bin ta haci hunto cu e partnernan den esaki, cu sigur, di parti di Aruba, Compania Arubano di Petroleo, cu pa ley, tin e consecion, e derecho di busca e posibilidadnan y mira si tin y despues exploita esaki.