Texas, MERCA- E pelotero Arubano Shawn Zarraga a haya un ekipo pa continua cu su carera di baseball na Merca. Despues di e conoce un bon torneo cu Hulanda den e World Baseball Classic, e ekipo di Cincinati Reds cu Shawn a firma cune no kier a continua cu e catcher Arubano. Asina mes Shawn a haya un oferta cu e ekipo di Cleburne Railroaders
E catcher Arubano, cu luna pasa a hunga den Team Kingdom den e World Baseball Classic, na comienso di e luna aki a wordo laga liber door di Cincinnati Reds.
Despue scu Shawn Zarraga tabata tin un contract caba cu Milwaukee Brewers (2007-2014) y Los Angeles Dodgers (2015-2016), na December ultimo el a acepta un oferta pa bay hunga pa e ekipo di Cincinnati Reds. Pero e club a termina su contract, prome cu e temporada a cuminsa mes.
Pa e cuerpo principal di Cincinnati Reds, Zarraga a hunga na februari pa e ekipo como invitado durante Springtraining. Despues di a bin bek di su participacion den e World Baseball Classic, e catcher a wordo manda pa Minor League. Despues di esaki su presencia ya no tabata wordo rekeri y el a wordo laga liber.
Pero mucho e catcher no tabata mester a warda, ya cu Shawn a firma un contract cu Cleburne Railroaders. E club profesional aki di Texas ta haci su debut e temporada aki den e American Association of Independent Professional Baseball. Den e seleccion di manager Gabe Suarez, Shawn lo ta un di e veteranonan. Un otro veterano lo ta e ex- pitcher di Grandes Ligas, Winston Abreu.