Durante un conferencia di prensa relaciona cu e première di e pelicula Natalia, Sra. Staphnay Croes un di actriznan di e pelicula a splica un poco over di e pelicula y kico e publico por spera di e pelicula local aki.
E pelicula basicamente ta basa ariba storianan berdadero di Sr. Angelo Croes, kende ta e director di e pelicula Natalia. Hopi di e ideanan ta storianan cu su mama tabata cont’e tempo cu e tabata mucha, segun Sra. Croes.
Basa ariba e storianan el a bin ariba e idea pa traha un pelicula over di e storianan aki, cual ta conta un poco di e historia di Aruba tambe. Asina el a cuminsa acerca diferente persona cu a apoy’e den su trayecto pa busca manera pa pone esaki riba film. Ora cu e pelicula sali, e pueblo lo por wak kico ta e historia.
Bo lo haya historia di Aruba den dje, historia di Aruba durante di Segunda Guera Mundial y con ARuba a forma parti di esaki. Hopi hende sa di esaki, pero tambe tin hopi hende cu no sa di esaki E ta eigenlijk algo cu lo por verwacht drama, yoramento, amor. E pelicula Natalia lo tin asina tanto detaye den dje, cu e lo yega na curason di cada un persona. Asina Sra. Croes a finalisa bisando.