Central a manda patruya cu urgencia na un adres na Sero Patrishi, caminda cu lo tabata tin un pelea y destruccion. Eynan a topa cu un grupo di hende cu tabata gritando. Polis a puntra e grupo di hende aki kico tabata pasando. E homber yama S. a declara cu e homber, kende a bin resulta despues di ta W., a dal’e cu un taki di mata na altura di su barica. Tambe el a bisa cu W. lo a kibra e windshield patras di dos di su autonan cu un piedra. A papia tambe cu e dama yama H., kende a declara cu e muhe kende despues a bin resulta di ta O. a dal su yiu muhe varios biaha cu un pida palo. Den cuadro cu esaki, e homber W. a keda como sospechoso y a wordo deteni. Y e muhe O., tambe a keda deteni. Ambos sospechoso a wordo presenta dilanti di fiscal auxiliar, kende a laga encarcela nan na warda di Santa Cruz pa mas investigacion.