Diabierna den careda di 9:30 anochi patruya di San Nicolas pasando bou di Pacifico bar na San Nicolas pabou di un mata na e skina cu hendenan ta para a topa cu basta hende dilanti e mini market. A baha pa bay wak kico ta pasando y diripiente dilanti e polisnan femenino e hombernan a cuminsa bringa cu otro formalmente, resfuerso policial a keda solicita di biaha pa mas colega bin yuda e coleganan.
Tabata un pelea mahos debi ta un grupo grandi di hende. Asina patruyanan di otor districtonan a presenta na e sitio drenta accion. A bay over na detene dos persona un auto hyundai tambe a keda destrui debi na e problema aki. Ambulans a keda solicita pa asina atende cu un persona cu a keda herida debi na e pelea.
Recherche di San Nicolas a keda notifica pa presenta na warda pa asina tuma e denuncia y anota tur cos pa fiscal. Hefe di cuerpo policial Sr, Hoo tambe a yega pa ta na altura como Alto Comisario debi cu tabata avalancha di Polis a presenta pa duna un man.