LAS VEGAS, Merca- Promotornan di Boxeo Oscar de La Hoya y Bob Arum, hunto cu e grandinan di boxeo a coincidi despues di a wak e “farsa” di e pelea di diasabra entre Floyd Mayweather Jr y e atleta di arte marcial (MMA) Irlandes Conor McGregor, cu e pelea tabata un burla pa e deporte.
Segun De La Hoy, loke a pasa diasabra anochi den e T- mobile Arena di Las Vegas tabata simplemente un berguensa den tur aspecto. No tabata tin ningun tipo di boxeo, ya cu e dos rivalnan no a sali pa bay bringa cu otro.
“Por wak ariba e videonan di e pelea y lo comproba cu tur cos tabata un show, un show patetico. Tabata trata aki di un burla miyonario, y esunnan cu mester cuida e integridad di e deporte di boexo a permiti esey”, segun De La Hoya.
E mesun sentimento a wordo manifesta pa e legendario Arum, cu si tabata na Las Vegas, pero pa firma un contrato cu ESPN. “MI no tin nada mas di bisa, simplemente cu e pelea tabata un montahe y un exhibicion lamentabel cu e unico meta tabata di gaña e aficionadonan”, segun Arum, cu a rechasa completamente e insinuacion di Leonard Ellerbe, di Mayweather Promotions, kende a bisa cu tabata Top Rank di Arum kier a haci esey, pero Dana White, presidente di UFC cu ta controla e interesnan di McGregor, ta esun cu e nenga.
Arum a sigui bisa cu e no ta bay cay den insinuacionnan ya cu e tin miho cos pa haci ya cu unico cos cu Ellerbe por haci bon ta di gaña cada biaha cu Mayweather lo retira pa despues pone otro spectakel manera circo. Pero e biaha aki no tabata nada pret, ya cu McGregor no tabata sa mes con pa tira mokete cu e glove cera.
E Comision Atletico di Nevada tambe a probecha di e “burla” ora cu el a ricibi mas di 10 miyon dollar, pa certifica e pelea di boxeo como un farsa y ya sin niun tipo di escrupulo y dismulo den e mundo di apuestanan, unda cu tur cos tabata prepara pa e triunfo sigur di Mayweather Jr, cu hasta kier a bet 400 mil dollar ariba su mes, sin exito.
Fuente: http://www.mundodeportivo.com/boxeo/