Diaranson atardi presensia di polis a ser solicita na un cas na Moko pa un pelea formal entre dos ruman homber. Na yegada di polis un ruman a bai for di e sitio cu e mama caba. Na e cas polis a papia cu e otro ruman cu a keda herida. E ruman cu a keda herida ta esun cu semper ta busca e otro ruman pleito y cada bes ta dale of tenta y awe e otro ruman cu semper ta victima su hemchi a yena y a golpia e ruman aki formalmente. Ambulans a presenta na e cas y a atende cu e victima. Polis a tuma dato.