Diasabra merdia, Central a dirigi patruya den Bacobastraat pa pleito entre bisiña. Na caminda a bin topa cu e dama kende a duna su nomber como T., cu ta biba den Bacobastraat y a declara pa bay na su bisiña, pa bise cu e no ta esun cu a yama polis p’e den cuadro cu problemanan cu cacho. El a sigui splica cu e bisiña yama H. a scupi den su cara y a menase cu e lo tir’e cu azeta cayente y awa cayente. El a declara cu e no lo bay mas na e bisiña y tampoco e lo entrega keho contra di dje. Polis a bay na e denunciante den Bacobastraat, caminda e homber H. y su mama kende nan a bisa cu e muhe T ta bin grita y busca problema dilanti nan cas. H. a bisa cu berdad T. a bis’e cu berdad el a bisa T. cu e lo bash’e cu awa cayente. El a wordo atendi riba esaki. Paz a keda restaura.