Pedidonan industrial Aleman ta cay na April

0

BERLIN, Egipto – E pedidonan industrial Aleman ta cay hopi mas di loke a spera na April, debi na un escases di contratonan nobo di gran tamaño, datonan a mustra diaranson, cu ta sugeri cu e sector a cuminsa e di dos trimester cu menor ritmo.
E fabricanan a mira con nan pedidonan a cay un 2,1 porciento na April despues cu e contrato pa productonan “Made in Germany” lo a subi e dos lunanan anterior, a mustra dato di e Ministerio di Economia.
E cifra a keda leu di e prevision consensua den un sondeo di Reuters di un caida di 0,4 porciento, pero a sigui un ascenso revisa den halsa di 1,1 porciento na Maart.
“Na prome bista, e datonan decepcionantenan di April parce a bay den contradiccion cu e indicadornan di confianza,” e economista di ING Carsten Brzeski, a bisa.
Sin embargo, Brzeski a agrega cu e celebracion di Semana Santa – cu e aña aki a cay na April – tabata probablemente e causa y cu den pasado e sector finalmente a recupera di e retrasonan causa pa e dianan feriado.
E Ministerio di Economia a señala cu e cifra di contratonan di gran escala tabata abao di lo premira pa April.
E datonan divulga na April a mustra cu e demanda domestica a cay un 0,2 porciento y cu e pedidonan di exterior a cay un 3,4 porciento. E demanda desde paisnan di pafo di e zona Euro, a retrocede un 4,8 porciento mientras cu e pedido di paisnan den e region a baha un 1,4 porciento.
Fuente: http://lta.reuters.com