Caracas, VENEZUELA- E compania estatal Venezolano, Petroleos de Venezuela (PDVSA) ta enfrenta diahuebs un pago pa 1.2 miyon di dollar pa e vencemento di un di su titulonan, e ultimo compromiso mas pisa di aña cu ta pone e gobierno socialista mei mei di un crisis economico severo.
Gobierno di presidente Nicolas Maduro a aplica recortenan severo na importacionnan manera di cuminda, mei mei di un disminucion di su ingresonan petrolero, pa cumpli cu e concentracion di pagonan pa servicio di debe externo di su pais y di e compania principal.
Inversionistanan riba mercado internacional ta mustra optimista, despues di cu e compania petrolero a cumpli cu e pago di 842 miyon dollar algun dia pasa, den un proceso cu pa prome biaha a tarda.
E doñonan di su bond 2020 mester a warda cuater dia pa haya nan pago cu PDVSA a bisa di a manda pa e banco JPMorgan, cu e obhetivo di cumpli sin tardansa e pago di e capital y asina evita default.
PDVSA y e gobierno Venezolano a preferi en cambio, retrasa e cancelacion di e interesnan di su titulo for di comienso di October, probechando cu nan ta conta cu 30 dia di gracia, pero e medida ta refleha e trabao cu e pais petrolero ta pasa pa cumpli cu su obligacionnan financiero.
Venezuela tin 750 miyon dollar na pago di interesnan pendiente den menos di cuater siman, despues di a paga cu retraso 41 miyon dollar pa e interesnan di e bono di PDVSA cu ta vence na 2037.
E pagonan di October y November ta bay prome biaha bou di e sancionnan financiero cu Merca a impone, pa cual e institucionnan financiero di e pais ey mester cumpli cu protocolnan cu ta obstaculisa e transaccionnan bancario di gobierno y su entidadnan, segun fuentenan di mercado.
Diahuebs PDVSA mester paga, sin retraso, casi 1.120 miyon dollar den capital na inversionsitanan cu ta den caduca y 48 miyon dollar na interes.
Fuente: http://lta.reuters.com/article/businessNews