CARACAS, Venezuela – Petroleos de Venezuela S.A. (PDVSA) lo cuminsa cu accionnan legal riba ex contratista y proveedorna, kende, den complicidad cu nan ex trahadonan di e Compania, a obtene contratonan di procura mediante actonan di corupcion generando daño patrimonial na e empresa.
E empresa a duna instruccionnan na su representantenan legal pa emprende e accionnan necesario cu lo permiti mitiga e dañonan di cual e compania estatal tabata victima; accionnan cu por interpone dilanti hurisdiccionnan penal, civil y mercantil caminda cu por genera resarcimiento di e dañonan sufri, e comunicado di PDVSA a señala.
E recurso legal lo wordo aplica na e personanan involucra cu Roberto Rincon y Abraham Shiera kendenan a wordo señala pa husticia di Merca pa delitonan economico. Ambos a wordo deteni aña pasa. E principal industria di e pais a sigura cu lo mantene e pais y e comunidad internacional informa “den e medida cu e accionnan avansa den curso contra e personanan aki y nan bienesnan.”
Fuente:El Universal