Den rueda di prensa, e lider di Partido Democracia Real, Andin Bikker, a recorda pueblo di Aruba cu PDR tin un fundraising dia 18 di December, caminda nan ta bay rifa un auto.
El a recorda pueblo cu otro aña ta un aña di campaña electoral y esaki ta costa placa. Andin Bikker a bisa cu PDR ta cumpli cu su trabao cabalmente, y den e ocho añanan cu a transcuri pueblo por bira wak bek hopi logro di su fraccion cu apenas un asiento.
Por ehemplo a mehora e proteccion den casonan di belasting, a bin cu diferente amienda pues PDR ta constantemente cu orea y curason den pueblo. Pero pa bay campaña electoral cada bes ta keda un reto pa e fondonan rekeri y door di esey constantemente PDR ta tene su fundraisingnan y apenas aki un luna y mey ta bay tin su fundraising atrobe. Ticket ta solamente 5 florin.
Bikker a haci un apelacion na pueblo pa contribui cu cada cinco florin y kico cu por duna ta bon bini, y PDR ta hopi gradici. Pero please si, contribui na e campaña cu ta bin pa nan por representa e pueblo na un manera digno. PDR no mester di mucho fondo, pero mester di recursonan financiero si, y e ta gradici e gesto noble aki di contribui pa nan por bay otro aña den campaña electoral.