WILLEMSTAD, Corsou – E pastoor Curasoleño Orlando B. diaranson merdia a aparece dilanti di corte na Willemstad, a wordo condena na 9 aña di prizon debi na abuso sexual di fielnan femenino.
Tambe B. no mag di fungi como pastoor pa 14 aña. A pidi un total di 18 aña di prizon contra e pastoor.
Hues a propone cu e pastoor di 53 aña, a haci su mes culpabel di abuso sexual di tres hoben y tres hende muhe adulto, tur tabata miembro di su iglesia. Pa e abuso di tres otro miembro, el a wordo absolvi. B. a funda e iglesia Rains of Blessings varios aña pasa y a fungi tempo completo como lider organisatorio y spiritual. E maltrato di e fielnan lo mester a cuminsa na 2004. Esaki a sosode segun kehonan, no solamente na Corsou, pero tambe na Hulanda. E iglesia tin filialnan na Tilburg, Den Haag, Rotterdam y Amsterdam.
Segun hues, B. “a haci mal uzo di su posicion peculiar y tambe door di su edad y e efecto cu e tin riba e victimanan dentro di e congregacion.” E hechonan haci a causa, segun hues, hopi inkietud den e comunidad.
Fuente: www.nu.nl