E Organisacion Mundial di Salud (WHO), a emiti un codigo etico cu mester guia e atencion cu ta wordo presta na personanan cu Tuberculosis, reduci e stigma y discriminacion cu nan ta sufri y pone un banda practicanan di aislamento involuntario di e pashent, cu excepcion den casonan excepciona, EFE a informa.
Cu e guia etico nobo aki, WHO kier conmemora Dia Mundial contra Tuberculosis cu lo wordo celebra mañan, 24 di Maart. Tambe ta purba di ofrece un marco di proteccion internacional pa esnan cu ta sufri di e enfermedad aki, cu por lo general ta mas desposei den sociedad.
Tuberculosis ta e enfermedad infeccioso mas letal, cu mas di 10 miyon di caso nobo y 1.8 miyon di morto pa aña (of 5 mil cada dia), riba e victimanan mortal cu AIDS of malaria ta causa.
Entre e conflictonan etico cu ta surgi pa loke ta e malestar aki, ta figura e aislamento di enfermo, cu un cantidad limita di casonan registra den distinto pais, en particular ora cu esakinan ta nenga na ricibi atencion sanitario.
E causa di e rechaso aki sa ta relaciona cu e dificultadnan di e tratamento, sea pa su duracion (entre seis luna y dos aña), e toxicidad di e medicamentonan y e gasto cu tur esaki por engendra cerca e pashentnan, cu habitualmente ya ta padece di pobresa y exclusion.
Durante un rueda di prensa, e specialista di e Programa Global pa Tuberculosis di WHO, Ernesto Jaramillo, a splica cu den e casonan aki ta opone na e derechonan humano di e enfermo y riesgo pa salud publico.
El a señala cu e aislamento por wordo uza unicamente como ultimo recurso y hustifica solamente ora cu tur alternativa a wordo gasta y bao di cierto condicionnan estricto.
E guia etico di WHO ta recomenda igualmente e forma di trata na imigrante y refugiadonan, y prizonero y muchanan cu ta sufri di tuberculosis, atendiendo nan circunstancianan particular.
Den e caso di e prome grupo, ta evoca e necesidad di actua cu solidaridad y duna e imigrantenan acceso na e mesun oportunidadnan di diagnostico y tratamento cu na e resto di e poblacion.
Di e mesun manera ey, ta enfatisa cu un diagnostico di tuberculosis no ta hustifica bao di ningun circunstancia un decision negativo contra imigrante of refugiadonan y menos ta rason pa un deportacion.
Den relacion na prizoneronan – grupo di riesgo eleva pa condicionnan di hacinamiento, ventilacion escaso, ausencia di prevencion y pober alimentacion cu nan ta sufri – , e representante di e seccion etico di WHO, Andreas Reis, a splica cu pa ofrece tratamento ta implica pensa den termino di salud publico, a largo plazo, pa e disminucion di e riesgo di contagio una bes den libertad.
Un miyon di mucha na mundo ta sufri di tuberculosis, pero e priodidad abao cu a wordo duna na tuberculosis na e grupo di edad aki – den parti pasobra nan no ta un fuente principal di transmision – a causa cu e pruebanan di diagnostico y tratamento ta limita pa infantenan.
Falta herment di diagnostico ideal, no ta un bon razon pa nenganan atencion. Tin cu ofrece nan conseho psicologico y apoyo material na e famianan.
Organisacion Mundial di Salud
Otro debernan etico cu WHO ta promove encuanto Tuberculosis tin di haber cu e informacion completo y exacto cu tin cu proporciona cualkier enfermo riba e riesgo, beneficio y alternativanan disponibel, ademas di yuda nan den lo posibel pa nan cumpli estrictamente cu nan tratamento.
E tratamentonan interumpi ta e causa principal di e expansion di e formanan di tuberculosis resistente na antibioticonan existente, cu ta representa entre 4 y 5% di e casonan na nivel mundial.
Riba e dilema di ofrece un test di diagnostico di tuberculosis ta resistente sabiendo di antemano cu e tratamento corespondiente no ta disponibel, WHO ta considera cu ta ‘eticamente permisibel’.
Pa cuanto ta evita cu e enfermo ricibi un tratamento cu ta ineficas y ta yud’e y su famia tuma decisionnan y adopta comportamentonan capas di limita e infeccion.
Fuente: El Universal