SCHIPHOL – E prohibicion di biahe cu Merca a impone pa hendenan cu ta bin for di shete pais, ta un hecho cu companianan di aviacion manera KLM mester atene na dje. KLM a wordo “ataca pa e medida nobo for di Merca.”
E prohibicion aki ta nifica cu e pasaheronan ta wordo perhudica cu e reglanan nobo aki, asina un vocero di KLM a bisa dialuna.
Diasabra ultimo KLM a bisa cu shete pasahero cu kier a bula bay Merca, a haya nan mes ta keda atras na Schiphol debi na e prohibicion. Tambe diadomingo tin biaheronan cu a wordo wanta. “No tin sentido pa hiba e hendenan aki, pasobra nan lo wordo manda bek toch,” e vocero a bisa.
Boet
Tambe e companianan di aviacion si nan risca di no cumpli cu e reglanan, nan ta haya un boet. Con halto e boet aki ta, e vocero no por a bisa.
Segun KLM ta dificil pa calcula cuanto pasahero ta anulando nan biahe debi na e maneho severo aki na Merca.
Fuente: NU.nl