Diamars 31 di October, partidonan den coalicion den parlamento MEP, POR y RED a pidi Presidente di Parlamento, Sr. Guilfred Besaril pa un reunion publico.
E reunion aki lo ta pa trata e status di minister demisionario P. Croes, como tambe pa trata e 61 miyon florin EXTRA cu e proyecto di Hospital lo costa. Minister demisionario di Salud Publico, dr. Alex Schwengle, via su conseheronan a busca y haya un buraco den ley, pa asina e por bypass parlamento, unda cu e no tin mester di aprobacion di parlamento pa e 61 miyon florin extra.
Ta pidi pa tanto minister president, mr. Mike Eman y tambe e minister demisionario di Salud, dr. Alex Schwengle pa e presenta den parlamento pa rindi cuenta ariba e dos casonan aki.
Partidonan MEP POR y RED ta tuma integridad hopi na serio y como tal, ta cuminsa na manda e señal bon cla cu no ta tolera corupcion den gobernacion.