Resultado di eleccion na Hulanda ta mustra bon cla cu e mes un vision cu AVP tin pa Aruba, na Hulanda e partidonan cu tin e mes un vision cu a pone cu e partidonan cu a gana eleccion ta mustra kico ta e deseo di e pueblo segun Sr. Rene Herde. Eleccion na Hulanda, y no ta na niun hende pa husga kico a bay bon y kico a bay malo. Pero si ta relevante pa Aruba, como parti di Reino.
E prome conclusion cu por a saca segun Sr. Herde ta cu e pueblo Hulandes a rechasa e maneho di austeridad, cortamento di gasto y lubida e ser humano. Esaki a wordo rechasa y e resultado ta cu e partidonan cu a forma e gobierno, cu ta demisionario actualmente, a perde 30 asiento den Tweede Kamer na Hulanda.
E otro conclusion cu por saca di e eleccion na Hulanda ta cu partidonan CDA, D66, Groen Links, Christen Unie, dus partidonan semi iskierdista progresivo a crece enormemente. E partidonan aki a propone un maneho diferente, uno mas balansa pa renoba pais Hulanda y Reino. E partidonan CDA y D66 ta e dos partidonan cu mas a sostene e punto di bista di Aruba den e diferente conflicto y discusionnan cu gobierno di Aruba tabata tin cu gobierno di Reino. Esaki ta incluso e wantamento di presupuesto na 2014. E partido Groen Links den nan programa a hasta presenta un modelo di un areglo di conflicto manera AVP of gobierno ta propone pa hopi aña caba pa Reino.
E partidonan CDA, D66, Groen Links y Christen Unie ta partidonan cu AVP pa hopi aña caba tin un bon contacto cu nan y nan ta partidonan cu a crece. Partido AVP, segun Sr. Rene Herde ta spera cu e partidonan aki por tin un influencia ariba e renobacion di politica na Hulanda y e relacion di e politica den Reino. Partido di AVP ta spera cu pronto lo por topa cu nan , pa sigui papia ariba e tema aki.
E di tres conclusio cu por saca di e eleccion na HUlanda ta cu nan a para e populismo descabeya na Hulanda, un populismo cu un tinte racista. Partido PVV no a crece manera a spera, cu den henter Europa a kere cu lo sosode. Mas laat e aña aki ta bay tin eleccion na Francia y Alemania, caminda cu tin gruponan of partidonan di e mesun indole, di e mesun tono anti- stranhero, anti- gobierno. Hopi populismo, promesanan sin contenido. E temor ey Hulanda a para y a bisa no. Partido AVP ta felicita tur e partidonan y e pueblo di Hulanda en general, cu e bon resultado y ta un forsa pa democracia na Hulanda. E ta un rechaso na populismo y e ta un empuhe pa renobacion.
Renobacion pasobra e partidonan cu a gana, tin e tono bon cla, pa renoba e pais. Esaki mescos cu e politica di AVP. Renoba energia, bay den energia renovabel. Inverti den enseñansa, inverti en bes di austericacion pa crecemento economico. Un politica cu AVP ta reconoce su mes hopi den dje.
Pero partido AVP ta lamenta cu PvdA, partido di AVP, a perde asina hopi, y el a carga e consecuencia mas grandi pa un maneho cu AVP no ta di acuerdo cun’e, pero ta sigui ta amigo di PvdA.
Loke ta na discusion aworaki, cu Hulanda tin e posibilidad pa tin dobel nacionalidad. ANto esaki a bin hopi den discusion aworaki, pa motibo di loke a sosode ultimamente cu e ciudadanonan di Turkia cu ta biba na Hulanda y Alemania, cu tambe tin dobel nacionalidad. Esaki a trece cun’e metemento di Turkia den politica di Hulanda. Esaki tin di haber cu e hecho cu aunke hopi hende a biba na Hulanda y tin nacionalidad Hulandes, nan a mantene e nacionalidad Turco y door di esey tin cierto lasonan, lasonan politico cu gobierno Turco ta haci uzo di dje.
E ta hibabo na un situacion manera di Segunda Guera Mundial, na exclusion di hende, for di derechonan normal di un ciudad di un pais, ta wordo propaganda. A base di ideanan totalmente discriminatorio. E propagando cu a hiba of e informacion, educacion di pueblo pa e peliger aki mester continua. Na momento cu un hende ta consciente di un peliger, nan ta evita esaki.