Diabierna anochi, Formado, Sra. mr. Evelyn Wever- Croes, despues di simannan di negociacion y deliberacion entre e partidonan MEP, POR y RED, a anuncia na comunidad di Aruba cu nan a yega na un acuerdo ariba e reparticion di carteranan den e proceso di formacion di un gobierno nobo, solido y stabiel pa e siguiente 4 añanan. Awor falta pa finalisa e proceso di candidato pa minister.
Formado lo ta informando S.E. Gobernador Boekhoudt di e ultimo fase aki di e formacion y asina, consecutivamente otro siman por informa comunidad di Aruba con e carteranan a wordo reparti. Ta premira cu pa otro siman, cu poder di Dios, e gobierno nobo por keda instala.