Durante un conferencia di prensa yama pa sr, Otmar Oduber, lider di un partido nobo, a duna presentacion di e personanan cu lo subi lista di e partido nobo pa cual aki e ta splica kico ta e pasonan cu a wordo tuma pa pone 3 dama riba lista.
El a splica cu den e ultimo simannan manera ta conoci, a combersa cu hopi persona den comunidad. Un plataforma caminda cu kier tin un diversificacion den loke ta e representacion cu ta bay tin, miembronan cu ta bay tin den e plataforma aki. Manera ta conoci, diadomingo awo, dia 11 di December, den Cas di Cultura, pa 10’or di mainta, lo funda partido POR, cu ta para pa un Pueblo Orguyoso y Respeta y cu manera e slogan ta bisa y cu lo keda wordo manteni tambe, for di awo te cu September venidero, cu nan ta representa e forsa nobo di Aruba, hunto cu e comunidad di Aruba, hunto cu tur esnan cu a uni nan mes caba durante ultimo simannan aki, atrabes di yamadanan, atrabes di sosten via Facebook, social media y na un gran cantidad di otro forma, pa 10’or di mainta y e invitacion tambe ta bay pa comunidad di Aruba den e caso aki, pa ta presente 10’or na Cas di Cultura na unda conhunto cu notario lo funda oficialmente hunto cu e fundadornan, como tambe e miembronan cu ya caba pa e momento ey lo ta parti di esnan cu ta funda e partido aki, pa di e forma aki oficialisa plataforma politico por, pa loke ta e forsa nobo pa eleccion 2017.
Otmar Oduber tabata tin e honor sumamente grandi, manera cu a compromete di trece padilanti e prome tres miembronan activo di e plataforma aki, cu naturalmente ta postula nan mes pa por aparece riba e lista pa loke ta eleccion 2017, y a tok’e e honor, manera cu a bisa tambe, cu un representacion hopi cla di e ser femenino pa loke ta trata e partido politico, e plataforma politico nobo aki, cu awe mainta e tabata tin e honor di presenta tres dama, kende ta Michella Steenvoorde-Lacle, Joselin Croes y Jacqueline van Putten, cu ta e tres damanan cu ta e prome tres miembronan cu ta pone nan mes disponibel pa loke ta trata e eleccion venidero pa aña 2017.
Pa hopi aña Joselin ta un persona cu a studia e parti huridico, ta opera ya caba pa 7 aña como abogado na Aruba. Joselin ta yiu di defunto Sita Croes y Tuyo Croes di Santa Cruz y naturalmente Joselin ta casa, e tin dos yiu teenager y despues di un estudio na Colegio Arubano a studia na Hulanda pa logra su international management & public relations. Despues di esaki el a traha na Aruba algun tempo na Centraal Bureau Statistiek, como tambe na Lotto pa Deporte y despues a opta naturalmente como un mama den e caso aki, hoben, di kier sigui persevera, kier sigui studia y asina a bay Universidad di Aruba y a logra den e caso aki tambe su estudio pa loke ta trata Arubaans Recht Cum Laude.
E damanan aki ta mama y profesional y sigur Joselin Croes ta uno cu a mustra cu e kier wak cambio den politica na Aruba segun Otmar Oduber.
Segun Otmar Oduber, ta un honor pa awe por presenta un persona profesional cu a prospera den su bida, door di traha duro, door di studia duro, door di ta banda di un mama di famia, mama di su yiunan y casa cu tin su debernan na cas, a sa naturalmente como hende muhe, a base di su capacitacion, a base di su aspectonan profesional, a base di e conocemento di leynan cu awe e tin y naturalmente e disciplina y perseverancia cu por mira cu un persona, cu apesar e tin su famia y yiunan chikito, a scoge pa sigui studia y awe ta un profesional den su ramo y ta eherce como abogado, ta dicidi na un forma hopi habri, openminded, cu miras pa futuro y kier aporta na su pais y pa Oduber ta un honor como e prome dama cu ta wordo presenta, trece dilanti sra. Joselin Barosso-Croes.