Durante un conferencia di prensa yama na Kowloon Restaurant un partido nobo a keda presenta cu yama Partido Movimiento Arubiano Soberano. Hubert Maduro, presidente di Conseho Electoral ta splica cu den caso di partidonan nobo. Te awor aki ta logra duna un cierto cachet e hecho cu un grupo di hende ta cuminsa cu un partido nobo. Ya caba for di Email nan a haya decision for di conseho electoral, pero toch ta bon pa pone na su luga, pa entrega e desicion di conseho electoral na e representante cada biaha cu un partido nobo bin dilanti. Pa e eleccion aki, esaki ta un di e dos partidonan cu a profila nan mes pa bay probablemente participa na e eleccionnan di otro aña.
A bin resulta cu e partido aki, e decision aki a cay den aña pasa. Dia 9 di December 2015 e decision di Conseho Electoral a cay, cu e partido aki ta cumpli cu tur rekisitonan pa ta un partido pa participa na cualkier eleccion di Aruba. E rekisitonan tabata cu nan statuten tabata cla pasa na notario. Nan mester a haci un peticion, nombra dos hende den partido, cual a wordo haci, cu lo representa e partido dilanti Conseho Electoral. E sistema ta cu partidonan, no por dicidi cu libremente ken ta representa nan. Segun Statuten por haci’e y e mesun hende cu saca e statuten por representa e partido. Ley ta exigi pa e representante di Conseho Electoral, ta wordo designa esplicitamente. Den esaki tambe a haya un carta cu ta participa kendenan ta esun cu lo representa, segun Maduro.