Partido MAS a wordo funda for di aña pasa caba. El a wordo funda dia 17 di September 2015, unda cu despues cu tur e proceduranan legal mester a tuma luga, a yega na e punto e ora cu tin cu registr’e via Electorale Raad, segun Holmo Henriquez.
Na momento di haci peticion tambe na Electorale Raad, a duna di conoce kico e color di e partido ta bay ta, cual ta e blauw scur como e color primario y color mayo y como color secundario e colornan cora cu blanco. Na momento cu a notifica esaki, si esey no por tin un problema cu e otro partido existente caba cu tambe ta dispone di un color blauw. E conclusion tabata cu e otro partido cu ta UPP tin un color blauw hopi mas cla y e ta duidelijk distinguibel for di otro y riba dje e combinacion di color tambe ta claramente diferente. Cu esey bisa a sigui dilanti e ora cu e registronan di partido, tanto na Electorale Raad y una bes cu esaki tabata formalisa a registra e partido na Camara di Comerio y e partido ta registra for di 15 di Januari 2016.
Di eynan tambe a cuminsa haci conoci na pueblo kico nan color ta. Tin for di e tempo ey caba tin Facebook Wall, tin sticker cu a print y distribui y tambe tabata tin koffiemorgen cu a wordo haci dia 31 di Juli na Club Don Bosco, caminda cu a profila cu e colornan di MAS. Basa riba un merkrecht, tin pleno derecho riba e colornan y a wak den prensa con un otro partido cu a core lanta awor aki ta profila cu e mesun color y e mesun combinacion di color cu e partido ta uza, segun Henriquez.