Partido MAS cla pa e debate diahuebs

0

Na momento cu Partido MAS a keda funda, esaki tabata a base di e principio di sinceridad y honestidad pa pueblo di Aruba. Awor, despues di preparacionan intensivo pa e debate di Camara di Comercio, e principio aki ta uno mas fuerte cu nunca. Durante di e debate di Camara di Comercio, por spera cu Partido MAS lo contesta cada un di e preguntanan aki cu e sinceridad y honestidad cu pueblo merece. Aunke cu e tempo cu cada partido a ricibi pa contesta e preguntanan ta uno limita di 1 minuut y mei, Partido MAS ta spera di por trece plannan concreto dilanti cu lo ta e enfoke primordial di e partido durante e siguiente gobernacion..
Partido MAS ta convenci cu, despues di a scucha hopi critica y problema di Gobierno pueblo ya no kier esey mas, awor a yega ora pa trece claridad y solucion pa pueblo informando comunidad di plannan di Partido MAS. Partido MAS kier pa pueblo ta conciente cu e partido aki no ta solamente un alternativa pa pueblo, pero nos kier pa pueblo mira cu Partido MAS ta e solucion pa e pueblo di Aruba. Partido MAS ya caba a biaha pa Hulanda pa presenta e plan van aanpak di e Partido na Hulanda, como esey ta unda e problema realmente ta sinta y asina kier trata e problema na su rais. Ora di a presenta e plan aki a haya e sosten pa ehecuta esaki debidamente, na miho interes di pueblo pa asina salba y proteha nos Status Apatre tambe como un pais autonomo den Reino Hulandes. Pa e rason nos kier invitabo pa mira e debate di Camara di Comercio y haya sa mas, con partido mas lo kibra barera y crea futuro pa pais Aruba.