Durante conferencia di prensa yama pa partido CURPA Sr. Robert Anjie, presidente di partido, e ta splica cu e partido aki lo bay cera frontera pa mas hende no sigi drenta Aruba paso cos no por sigi asina aki.
Sr. Anjie a bisa cu e ceramento di fronteranan ta pa proteha nos pais, pa e no sigui yena mas, pasobra nos ta riba nr. 21 na mundo pa pueblo mas puebla. Nos tin 579 pa m2. Un caminda mester bisa, te aki y CURPA tin un maneho hopi estricto ariba esey.
Pa loke ta corupcion, nan ta pone hopi enfasis ariba dje. Tur hende por a wak ultimo dianan kico a pasa tocante permisonan. Segun Sr. Anjie, corupcion no kiermen solamente tuma placa bou mesa, pero e ta nifica hopi cos. Corupcion ta tambe favorece hende, huur edificio cu famia mas cerca y esey ta parti di corupcion na Aruba. Esaki a bira un cancer caba na Aruba y el a drenta tur nivel di sociedad. Dus e ta un prioridad hopi grandi y a bira tempo cu e piscanan grandi mester wordo gara y castiga manera mester ta, segun Sr. Robert Anjie, presidente di partido CURPA.