Partido CURPA bou liderasgo di Sra. Cristina Lampe a yega Stadhuis, pa asina haci entrega di nan lista pa eleccion 2017.
Mester remarca cu partido CURPA a yega sin niun tipo di buya, masha trankil y asina drenta paden pa entrega nan lista. E lista a wordo ricibi door di rector di Conseho Nacional Electoral, Sr. Glenn Thode. Despues di a pasa e inspeccion y cumpli cu tur e rekisitonan, e lista a wordo aproba door di Conseho Nacional Electoral.
Partido CURPA ta bay cu un lista di 10 candidato. Christina Lampe ta lider di e partido y a menciona cu el a lanta sumamente contento. Esaki ta prome biaha cu e ta funci como lider y Sr. Eric Ras ta fungi como apoderado pa entrega e lista. Segun Sra. Lampe, e lista tabata relativamente facil pa hinca den otro, sin niun tipo di discusion. Al contrario e candidatonan tabata den harmonia cu otro. Pa loke ta e candidatonan, no tabata tin exigencia. Mirando trayectoria di cada un, a pone cada ken na nan numeracion y tur a acepta esaki. Tur cos a bay na ordo. Nan meta ta pa yega Parlamento, pa haci e cambionan cu nan ta mira cu ta necesario. Cuminsando na criminalidad halto, e debe ta hopi halto, problemanan social, etc.
Pa partido CURPA, amienda nr. 7 nan no ta di acuerdo cu esaki y cu CURPA den proximo gobierno, nan lo elimina esaki.
- Cristina Lampe
- Benjamin Frances
- Eric Ras
- Max Robert
- Rosalinda Boekhoudt
- Robert Anjie
- Humprhey Thijsen
- Leonardo Orozco
- laurens Hector
- Jaime Cortez
Por ultimo, Sra.Lampe, hopi hende tin miedo di subi un lista, a pesar di tin interes. Partido CURPA ta spera un victoria, pa drenta parlamento. Tur loke ta pasando aworaki, pueblo ta respaldando nan. Unico criteria cu CURPA tabata tin pa e candidatonan tabata pa tin norma y balornan halto conforme enseñansa di Dios. A base di nan enseñansa y trayectoria, a duna cada candidato nan numeracion.