Partido ABO ta mustra cu Parlamento completo ta culpabel

0

Regular, partido ABO ta mustra con parlamento den su totalidad tambe ta culpabel pa e desastre financiero, e decadencia di moralidad y e corupcion gubernamental. Culpabel pasobra na diferente ocasion, tur miembro ta vota ‘VOOR’, pasobra e ta cumbini nan interes personal of pa evita pa ‘cay den e trampa di gobierno’ si nan vota ‘CONTRA’, manera un miembro di oposicion a duna como hustificacion tempo cu oposicion a vota ‘VOOR’ pa e ‘CITGO-Deal’ di 2000 pagina, segun lider di ABO, Elton Lioe-A-Tjam.
Dia 30 juni 2015, e minister di ‘Integratie, Infrastructuur en Milieu’ a bulldoze e ‘Black Corridor’ den pueblo su stoma pa un suma di minimal 750 miyon florin. Un proyecto cu tabata den un presupuesto ficticio pa 300 miyon florin, mientras cu esaki mester a costa 135 miyon florin. Loke e minister y parlamento no a bisa pueblo, cu desde 21 juni 2011 y registra bou di volgnr. IS/734/10-11, parlamento tabatin e rapport ‘PPS-Project: Green Corridor, Werkgroep Green Corridor (14 April 2011)’ y cu parlamento a duna e minister desde 18 juli 2011 autorisacion pa esaki (‘Machtigings-Landsverordening’ AB 2011 no. 50, 19 september 2013). Pero tur miembro di parlamento a bay eleccion na 2013, sin bisa pueblo cu nan a aumenta e debe nacional cu 750 miyon florin cu un proyecto innecesario y controversial.
Pues desde 2011, tur parlamentario tabata sa cu gobierno lo a sconde e gastonan real di e ‘Black Corridor’ pa pueblo, uzando ‘Off-Balance financing’, y tur a keda keto. Uzando ‘Off-Balance financing’, gobierno por a laga un parti di pueblo sigui kere cu e debe nacional ta ‘SOLAMENTE’ 4 biyon florin. Tampoco parlamento a informa pueblo cu e ‘Black Corridor’ no ta di pueblo. E rapport ta bisa di esakinan lo siguiente: ‘Vandaar dat vanaf het begin van het project als randvoorwaarde het ‘Off-Balance’ criterium is gesteld. ’Off-balance’ betekent dat de betrokken activa (c.q. hoofdweg kern San Nicolas) NIET als economische EIGENDOM van het Land wordt BESCHOUWD’.
Parlamento tampoco a percura pa pueblo haya e miho oferta, a pesar cu den articulo 2 lid. 1 di e ‘Machtings-Landsverordening’, esaki a wordo uza pa desvia di e ‘Comptabiliteitsverordening 1989 (AB 1989 no 72)’: ‘..ten behoeve van het project de aanbestedingsvorm van een CONCURRENTIEGERICHTE DIALOOG GEHANTEERD’. E rapport hasta ta mustra con esaki tin cu sosode: ‘Dit project zal voornamelijk gefinancierd worden door jaarlijks door het Land te betalen BESCHIKBAARHEIDSVERGOEDINGEN. Deze worden alleen uitbetaald INDIEN de hoofdweg kern San Nicolas aan de GESTELDE EISEN VOLDOET. De te betalen beschikbaarheidsvergoedingen..worden (definitief) bepaald op basis van de aanbieding van de WINNENDE aanbieder (opdrachtnemer)’. Pero den e reunion di 30 juni 2015, gobierno tabatin caba su escogencia y parlamento no a puntra e minister pa e lista di otro interesadonan of con e la yega na su escogencia. Algun dia despues di e show den parlamento, e minister a biaha bay Merca pa firma e contract cu Deutsche Bank. E ‘finder’s fee’ por a wordo paga!
Loke tambe a hala nos atencion, parlamento tabata sa desde 2011 di tur e consecuencianan financiero di e ‘Black Corridor’ y e medidanan cu mester wordo tuma: ‘..deze beschikbaarheidsbetalingen leiden tot een toename in de jaarlijkse kosten voor de duur van het contract c.q. het project. Indien deze kostenverhogingen niet structureel gecompenseerd kunnen worden, zal dit leiden tot een STRUCTUREEL VERHOOGD FINANCIERINGSTEKORT. Indien de kostenverhogingen niet structureel gecompenseerd kunnen worden via bestaande en/of NIEUWE algemene middelen, of door middelen afkomstig van de verwachte economische groei, zal EXTRA LENEN door het Land het uitkomst bieden. Extra lenen betekent wel dat de schuldquote van het Land per jaar zal STIJGEN INCLUSIEF de daarbij horende RENTELASTEN c.q. FINANCIERINGSKOSTEN’. Asina mes, parlamento a bolbe duna autorisacion pa fia 815 miyon florin pa e proyecto ‘Watty Vos Boulevard’, pasobra un cabay di campaña ta mas importante cu e interes di pueblo y su futuro generacionnan.
E informacion aki, ta mustra atrobe claramente cu parlamento a yuda activamente den e destruccion y entreguismo di Aruba. Tur partido cu tabatin representacion den parlamento na 2013, tabata sa di e ‘Machtigings-Landsverordening ‘, e rapport y e consecuencianan financiero di e ‘Black Corridor’, pero asina mes nan tur a scoge pa sconde e informacion aki di pueblo durante eleccion 2013. Ningun di nan a conta cu na 2015, Hulanda lo a desenmascara e abuso aki contra pueblo y revela cu Aruba ta bancarota. Atrobe nos ta na porta di eleccion, y tur ta puntra pueblo su confiansa. Imagina’bo cu si nan tur por a sconde intencionalmente e aumento barbaro aki di e debe nacional na 2013, anto cuanto mas debe of sorpresa nan tin scondi pa pueblo? Siman pasa e ‘rating agency Standard & Poor’s’ den su rapport di evaluacion pa Aruba, a duna un indicacion: despues di eleccion lo mester tuma mas medida. Danki politico tradicional, pa e bunita regalo di dia di tata.

LEAVE A REPLY

Please enter your comment!
Please enter your name here