Biblioteca Nacional Aruba conhuntamente cu schrijfcoach Byande van Andel a organisa un Anochi di Storia. Cu hopi smaak y entusiasmo participantenan di Curso ‘Skirbi Creativo’ a conta un storia cu nan mes a skirbi diahuebs anochi. Cursistanan cu a presenta un storia ta: sra. Dynia Abath-Muller (‘The Little man and Valentine’), sra. Jessy Leon-Tromp (‘Pi’i palo’), sra. Yvonne Tromp (‘Elfjes’, ‘Colebra’ y ‘Mi ke ta mi mes’) y sr. Dominico Werleman (‘Jackpot’). Miembronan di coro ‘Coro daCaPo’ a canta algun cancion.