VINKEL, Hulanda – Deib na un explosion (plofkraak) na un ATM na Vinkel, un parti di e edificio di Rabobank a cay den otro.
A regla alberge pa habitantenan di dos apartamento den cercania, segun polis. No tabata tin herido. Polis ta bezig cu investigacion di e caso y tambe tabata tin un helicopter cu nan a pone en marcha pa asina haya e causantenan. Te asina leu, no tin rastro algun.
E corant Brabants Dagblad ta meld cu Explosieven Opruimings Dienst (EOD) a controla e luga pa posibel explosivonan cu lo por a keda atras.
Polis no s si e sospechosonan a logra pone man riba placa, pesey e rastronan ainda tin cu wordo investiga. For di esey lo sali na cla con e sospechosonan a haci nan trabao.
Fuente: Nu.nl