ROTTERDAM, Hulanda – Un parti di e departamento di xray di Erasmus MC na Rotterdam, diahuebs merdia a wordo evacua debi na “aire contamina”, manera cu “Veiligheidsregio” a describi. Dos trahado a bira malo y a wordo hiba Spoedeisende Hulp pa observacion, un vocero di e hospital academico a conta.
Personanan cu tabata riba e afdeling a haya molester di un sensacion di picamento na nan wowo y garganta. Ainda tin investigacion ta wordo haci riba e causa. Segun Erasmus MC tur pashent ta sigur y ningun otro pashent mester a wordo reubica.
Fuente: ANP