Diaranson lo ta Diaranson di Shinishi, cu ta marca tambe e comienso di e temporada di Cuaresma, pa cual Pastoor Jairo Maduro ta elabora ariba esaki.
En conexion cu Diaranson di Shinishi, cual ta e comienso di temporada saludabel di cuaresma, den presencia di Dios, humilde y caridad pa otro persona. Ya pa 5 or di mainta, ya lo tin e prome misa cu partimento di shinishi. Durante dia pastoor lo ta ariba tereno di scolnan di santa cruz, ta parti shinishi. Y anochi pa 7 or lo ta partiendo shinishi durante misa.
E Diaranson di Shinishi, ta depende di e Calendario Liturgico, cu tin aña e ta cay trempan y otro biaha e ta cay poco mas laat. Durante cuaresma lo bay tin diferente actividad den e parokianan. Na Santa Cruz, lo tin diabierna, caminda di cruz den misa 6 or y 15 den Seri Noka y diadomingo atardi tambe lo tin caminda di cruz.
Caminda di crus pa Alto Vista tin hala masha hopi hende, y diabierna santo lo sali for di difernte puntonan di diferente parokia, unda lo tin peregrinahe pa Alto Vista. Y asina diferente parokia tambe lo sali pa Alto Vista.
E orarionan lo wordo anuncia durante misa, asina ta tur hende acudi na boso parokia pa tur informacion encuanto e diferente camindanan di cruz.
No keda sin asisti na Santo Sacrificio di Misa diaranson pa asina tuma bo shinishi.