E amienda 7, cual ta pa registra parehanan di e mesun sexo, Sra. drs. Mervin Wyatt- Ras ta splica con leu e ley aki ta y si e ta cla pa drenta na vigor. Sra. drs. Wyatt- Ras ta splica.
E ley aki a wordo apriba door di mayoria den Parlamento. E ta un ley grandi, e ta e codigo civil y e ta encera tambe e derecho ariba herencia. E ta encera tambe pa loke ta trata e diferente formanan di labor. E ta encera con pa proteha e muchana. E ta un amienda cu a wordo presenta door di Sra. Desiree de Souza- Croes. Y sra. Evelyne Wever- Croes tabata uno cu a papia hopi di e ley aki.
Ora cu e ley aki a pasa, door cu e ta un ley grandi, mester bin cu’n “invoeringsverordering”, dus un ley unda tur e diferente cambionan den ley y esey ta wardando pa asina e invoeringsverordering bin parlamento pa e wordo trata. Esey ta keda na Wetgeving y Raad van Advies.
Legalmente e Amienda 7 aki no ta un ley ainda. Sr. Glembert Croes y Sra. Evelyne Wever- Croes a trek atras. Pero segun Sra. Ras, e ta un ley, pero pa caba di implement’e, mester cambia cierto partinan di ley. Mester bin cambionan den otro leynan pa asina e ley aki por funciona.
E ley ta encera e “erfrecht”, maltrato di mucha, abuso di mucha ta den dje, caminda cu bureau sostenemi tambe ta haya mas forza. E naamrecht tambe, dus e ley aki tabata consisti di partinan den ley y tur esakinan a pasa. E ley aki a wordo aproba den Parlamento. Dus e ley aki ta un ley legitimo. E parti cu falta ta unda cu lo mester bay haci’e, pa e por drenta na vigor y funciona.
E ley aki a wordo vota door di e mesun hendenan. Sra. Evelyne Wever- Croes y Sr. Glenbert Croes vota pro y awo kier hala atras, segun Sra. drs. Mervin Wyatt- Ras.