Presidente di Parlamento, Sra. drs. Mervin Wyatt- Ras a splica riba e desaroyonan cu tin ta andando den Parlamento prome cu habri su porta dia 17 di Augustus. Sra. drs. Mervin Wyatt – Ras ta splica mas ariba e tema aki.
Parlamento ta preparando pa habri bek despues di recess, ya cu eigenlijk tabata tin e dianan pa campaña mas, ya cu ta den aña electoral y por bisa cu nan a haci uzo tambe pa oportunidad pa drecha algun cos den parlamento. E airco cual tabata tin basta aña problema cun’e, a wordo drecha cu placa di budget di parlamento. A cambia e tapijt den sala di parlamento.
Tabata tin algun cosnan cu mester a cambia, ya cu Parlamento ta un edificio bieu cual mester wordo mantene. Parlamento un biaha mas ta buscando e forma pa sigui mantene e parti di ontvanger bieuw. Sra. drs. Wyatt- Ras ta contento cu tur e personal a pone nan input cu awo e sistema ta na su luga y asina tambe cuminsa cu e trabaonan cu ta wardanan.
Parlamento a haci hopi den e aña 2016 pero tambe e parti di e aña aki, cu asina cu e leynan a drenta, tabata ponenan ariba agenda pa nan wordo trata. Tabata tin algun cu tabata drenta pareu pero a traha ariba nan. Aworaki tin dos ley so cu tin cu bay pasa, cualnan a keda pending y tin tres cu a drenta cu mester wordo poni ariba agenda ainda, segun Sra. drs. Mervin Wyatt- Ras, presidente di parlamento.
Un peticion di ley cu a drenta aworaki, cu ta uno cu ta wordo prepara pa e miembronan di parlamento entrega nan preguntanan. Un di nan ta e ley di deurwaarder y tambe gobierno a entrega un intrekking di diferente leynan bieu cu mester wordo haci oficial y tambe un ley di FDA, pa aloca diferente fondonan. Esaki lo sosode e siman aki.
E ley di kiesverordering cu Sr. Dangui Oduber a entrega no ta cla pa wordo trata. Sr. Oduber ta haci como sifuera cu presidente di parlamento ta tene e ley atras. E ley mester a cana su caminda Raad van Advies, pa e bin cu e diferente subcomentario ariba dje. Enberdad, esaki a tuma luga y e ora den reunion di parlamento, e miembronan di parlamento a pidi mas informacion pa bay papia cu diferente otro instancianan prome cu e ley por wordo presenta. Esey ta un decision di parlamento. No por bisa cu e ley no ta wordo trata, pero e ta canando su caminda. Esaki ta normal ora cu tin ley di iniciativa, unda cu miembronan ta bisa cu nan kier haya sa mas informacion, e ta un embergadura basta grandi. E ta un cambio, algo diferente pa haya informacion di esaki. Esey a wordo trata den parlamento.
E otro partidonan tambe tabata ariba e mesun liña, incluyendo e partido na mando. Na 2016 Sr. Baba Herde tabata papia ariba dje, pero a drenta aña di eleccion y Sr. Oduber ta bin cun’e y awo ta keda want’e? Segun Sra. drs. Wyatt- Ras, no ta juist want’e, pero miembronan lo kier papia cu demas instancianan y haya mas informacion tocante di dje. Esey ta hopi ley cu a pasa den parlamento tambe nan a haci esey. E voorronde eynan, e fraccion cu a trece padilanti no tabata completo.
Sra. drs. Wyatt- Ras tambe a pasa tres ley di iniciativa. No ta asina no mas bo ta trece un ley, ta diferente stakeholdernan, cu diferente instancia, manda pregunta, spera ariba contesta. Segun Sra. drs. Wyatt- Ras, e ley a bin sin wordo prepara suficiente. Y a base di esey, e fraccion di AVP a bin cu esey. Lamentabel ta cu dia cu a papia di e ley, Sr. Dangui Oduber a haci su trabao pa un ley di iniciativa, niun di su coleganan no tabata tey pa haci un debate. Esey ta algo cu ora bo presenta un ley di iniciativa, cu ta importante pa bo fraccion, ta na su luga y n deber, pa e lider di fraccion tey, e miembronan di fraccion, e falta eynan di e discusion no tabata tin. Pasobra tabata Sr. Oduber contra di otro opinion. Kisas si tabata tin mas hende na mesa, e lo tabata full diferente.
Ora miembronan ta presenta concepto di ley, ta bon tambe pa nan tin e sosten di nan fraccion den parlamento, segun Sra. drs. Mervin Wyatt- Ras, presidente di parlamento.