Presidente di Parlamento a manda un carta pa Minister President tocante e situacion na Venezuela, pa asina yama un reunion den parlamento tocante e situacion aki. Presidente di Parlamento, Sr. Ady Thijsen ta amplia mas ariba esaki.
E biaha aki lo ta tocante informacionnan sali den prensa, di e Consul nobo di Venezuela, Sr. Figaroa, cu a wordo nombra y tin hopi cos cu ta wordo papia, y Parlamento mester wordo bon informa di dje. Hulanda a firma un protocol cu Venezuela pa habri frontera, pero Aruba y Corsou no ta di acuerdo cu esaki, y fronteranan a bolbe cera.
Ora cu ta trata di asuntonan formal, Parlamento mester bin aden ya cu e ta mishi directamente cu cierto puntonan cu tin pa e comunidad di Aruba. Como e organo mas halto di e pais, Parlamento tin derecho pa haya e informacionnan y pa tin algo di bisa den e asunto aki tambe.
Prome cu e fronteranan habri atrobe, Parlamento lo kier papia cu Minister President ya cu e ta esun cu mester duna e informacion. A base di esey, parlamento lo evalua pa wak ki pasonan mester tuma despues di e dialoga cu Minister Presidente. Si tin cosnan cu parlamento lo por haci ariba nan mes, nan lo haci esaki.
Pa loke ta e relacion cu e Parlamento di Corsou, esun di Aruba tin un bon relacion cu nan. Pero e asunto di Venezuela nan lo trata esey na Hulanda, unda cu nan lo tene e reunionnan di IPKO y tambe un Tri partite, segun Presidente di parlamento, Sr. Ady Thijsen.