Ta di lamenta con un gobierno cu no tin poder mas ta firma MB pa perhudica auto busnan y taxinan pa cual presidente di parlamento ta lamenta cu e tipo di cosnan aki ta pasando despues di eleccion segun Sr. Guilfred Besaril ta splica cu e MB aki no tin validez.
Un total di 50 permiso nobo a wordo duna pa taxi y autobus, caminda tabata tin un moratorio cu a wordo poni, despues di un analisis di nos mercado di taxi y autobus ta completamente yen. Pero pa nan sorpresa, ta kita e moratorio ey, pa duna vergunning pa 50 taxi y autobus, etc. Ariba e mesun dia ta pone e moratorio bek pa un tempo indefini.
Sr. Besaril ta di opinion cu e minister a haci esaki pa cumpi cu nan simpatisantenan, pero no a tene cuenta cu e taxistanan cu ta luchando, cu e autobus chauffeurnan, cu tambe ta luchando. E persona a expresa cu ya e bolo ta asina fini, cu bo ta wak door di dje. nan ta traha 10 pa 12 ora pro lo menos pa asina logra yega cumpli cu nan gastonan diario.
Pregunta ta keda, con a yega na e decision descabeya eynan. ESey ta un punto valido y Staten ta para tras di e decision, cu lo revoca e decision aki. Esaki pa motibo cu no a wordo tuma di un manera cu por haci un analisis y un estudio cu e mercado por carg’e. E ta simplemente un decision di desesperacion hungando cu pan di hende y esaki ta algo inacceptabel, segun Sr. Guilfred Besaril, presidente di Staten.