Den e dianan aki Parlamento di Aruba lo bay trata ley pa haci nos shoconan un simbolo nacional pa Aruba pero e mata di Watapana mes cu nos ta uza pa promove Aruba internacionalmente no ta haya su atencion, segun Olinda Rasmijn. Segun sra Rasmijn, Aruba ta cana propaganda rond mundo cu nos ta ‘Green’ pero ta kibrando naturaleza y nos patrimonionan local. Pa loke ta e Watapana, esaki mester di mas atencion. A cera cabes pa reuni pa discuti e futuro di e palo di Watapana y lo bay bin cu campañanan di concientisacion pa asina siña nos hobennan mas over di e Watapana. Un Watapana ta biba mas cu 100 aña y si sigui manera cos ta awor, dentro di par di decadanan lo no a resta nada mas. Tambe lo haci un conteo di e palonan tur rond di nos isla paso mester duna balor na e palo aki.
Tin yen di bestianan straño riba nos isla y mester stop di trece cosnan straño di afo paso asina nos ta haya bestianan cu por ta dañino pa nos flora y fauna. Ya caba tin boanan y sin conta harañanan straño y saponan. Cosnan Aruba no tabata conoce den pasado y awor nan ta bin y destrui tur cos. Aruba mester siña aprecia loke ta di dje.