LONDON, Inglatera – Durante su prome dia di bishita na Reino Uni, presidente Juan Manuel Santos a ricibi un apoyo unanime di parti di Parlamento Britanico na e proceso di paz cu FARC, apesar di e triunfo di e NO den e referendum.
Den e palacio di Westminster, cu ta alberga e dos camaranan di Parlamento di Reino Uni, Santos a ricibi un homenahe pa su esfuersonan den busca paz na Colombia.
Lord Fowler, kende ta uno di e representantenan di e camara di e Lordnan, a sigura cu e biahe di e presidente na Noord Ierland lo yuda hopi pa e implementacion di e acuerdo di paz.
“Mi kier a rindi un tributo na henter su trabao y tur su dedicacion. Su obhetivo ta di caba cu mey siglo di conflicto arma y rindi homenahe na e derecho di e victimanan y di henter e poblacion, nos tur ta desee e mayor exito den e proceso aki y nos ta spera cu e proceso di Noord Ierland dun’e inspiracion,” Lord Fowler a sostene.
Di su parti, presidente Juan Manuel Santos a gradici e apoyo di Reino Uni, aunke el a sigura cu e campaña pa NO gana, tabata a medio di engaño.
“Mi a acepta e veredicto di urna, aunke ta pa e minima diferencia – solamente 0.4 porciento – y si e resultado tabata un resultado di un strategia di desinformacion y mentira, maner e mesun gerente di campaña pa e NO, a admiti,” e presidente a bisa den Parlamento.
Tambe, e representante di e camara comun, John Bercos, a compara e resultado di e referendum cu e Brexit na Inglatera, pero a insisti pa e continua cu e buskeda di e implementacion di e acuerdonan.
Den e salon Robing di Parlamento Britanico, e presidente a ricibi un gran ovacion di parti di mas di 100 asistentenan cu tabata tey.
Di un otro banda, presidente Santos a gradici Reino Uni pa su apoyo den e Conseho di Siguridad di Nacionnan Uni pa aproba un mision special cu ta verifica e paro di arma bilateral y dehacion di arma di parti di FARc.
E presidente lo ricibi, di parti di Reina Elizabeth II, un bankete den e Palacio di Buckingham.
Fuente: RCN Noticias