Mr. Juan Ady Thijsen a tuma nota di e anuncio di Otmar Oduber di su permanencia den politica na Aruba atrabes di su propio partido. Esaki segun parlamentario mr. Juan Ady Thijsen naturalmente ta su derecho. Sinembargo loke a resalta ta su declaracionan distanciando su mes di e masacre y mal gobernacion di e Gobierno di AVP di cual e tabata forma parti. Segun mr. Juan Ady Thijsen Otmar Oduber ta mes culpabel di e desaster di nos pais cu e resto di AVP. Otmar Oduber despues di a scucha 7 aña largo cu fihamento di prioridad ta e problema di Aruba di biaha pa obra di magia a bin realisa cu berdad Aruba ta den problemanan grandi pa motibo di prioridadnan robes. Otmar Oduber awo ta corda riba e young profesionals. Pa 7 aña hopi a bin Aruba yen di speransa y a bay bek sumamente decepciona. Otmar tabata tambe Ministro di labor y ni como Ministro di Turismo nunca a tende Otmar bisa AHATA emplea nos muchanan. Hasta den Santa Rosa nos tin ingeniero cu a bin yuda Aruba y nada, ya ta bek den exterior. Otmar Oduber de repente a realisa cu pensionadonan tambe ta importante, lamentablemente esaki despues di a yuda kita un di e derechonan mas sacrado di nos bieunan esta di bay cu pensioen cu 60 aña.Otmar Oduber co-autor di destruccion di Caya Betico Croes: “Nos ta bay promove empresanan chikito y mediano”. Ta con e compania cu a ser kibra lo pensa? Nan a matami, derami y awor nan kier yudami? Parlamentario mr. Juan Ady Thijsen ta recorda Otmar Oduber cu politica ta cruel y ta yen di desafio. Aruba merece miho y mas nunca un Gobierno di AVP!