Segun sra Arends-Reyes ta hopi importante pa keda enfoca ariba un mercadeo huntu cu un plan bon ehecuta pa trece mas turista Norte Americano pa Aruba. E mercado Norte Americano ta nos mercado primordial y den e caso cu por aumenta e capacidad di asiento pa atrae mas trafico pa Aruba mihor. E esfuersonan cu a ser hasi pa a logra den negociacionan tawata grandi mirando cu no ta di awe pa mañan ta yega na trece vuelonan extra, diario pa Aruba.
Tur destinacion turistico den Caribe tambe lo ta purba di aumenta asientonan disponibel pa nan destinacion. A comprende cu a tarda 3 aña prome cu a logra trece vuelonan directo di Fort-Lauderdale pa Aruba. Fort-Lauderdale ta un di e hub nan grandi banda di esun di Miami. E aerolinea di JetBlue ta hopi gusta y conosi bou di nos bishitantenan, especialmente JetBlue ta conosi pa su vuelonan di New york y Newark. E bishitantenan cu ta atrae di e destinacionan aki ta bishitantenan cu tin e capacidad di compra halto y cu ta den busca di un experiencia unico. Aruba su mercadeo ta hopi presente na e ciudadnan aki, awor cu e combinacion di extra capacidad di asiento e ta hasi e escohencia pa yega Aruba hopi mas facil. Sra Arends-Reyes tawata presente pa e yegada di e vuelo inaugural di e servicio di Fort-Lauderdale Aruba di JetBlue den calidad di presidente di comision fiho di Turismo di Parlamento di Aruba. Alavez sra Arends-Reyes kier a tuma e oportunidad pa felicita e team di profesionalnan cu a logra pa awe Aruba tin un aumento den capacidad di asiento.