Despues cu a conoce un oil spill a cera gran parti di bocanan y conchi por laga hende usa e lugarnan aki pa cual den fin di siman a logra habri tur cos back normal pa asina e pueblo y turista por usa Parke Arikok back manera antes, segun Sr. Greg Peterson.
E crisis Management Team a downgrade tur e actividadnan di crisis y a duna Parke permiso pa por habri e Parke por compelto un biaha mas. Esey ta encera cu Conchi tambe ta habri. Locual ta e caso cu tabata tin un pida na banda di Conchi unda a pone e baricadanan di DOW pa evita cu hende por yega na e caminda ey, ya cu ainda tin algun vlek aki, aya. No kier hende cana den dje y bay cu esaki otro caminda mas leu. E ta habri eigenlijk full swing. E parti di limpiesa ta sigui, e ta algo cu ta continua. Parke Nacional tin un afspraak cu Departamento di Calamidad y tambe cu e parti di voluntario. Den weekend Parke a haya como 30 voluntario. E weekend cu ta bin aki atrobe, tin peticion pa voluntarionan bin yuda. Sr. Greg Peterson a splica cu nan ta aprecia masha hopi mes, cu hende ta pone nan oranan liber, disponibel. Parke Nacional Arikok ta spera cu nan por conta un cantidad di hende basta grandi un biaha mas.
Segun Sr. Peterson ta hopi dificil pa tin un bista ariba e fluho di e azeta den lama, door di e densidad, esey kiermen cu e ta drief ariba lama. Unico cos cu por haci, ta pa lag’e spula ariba e beach, ya asina por haci limpi mas lihe. Loke si a ripara cu e azeta a bira mas y mas fini. Y si e coriente keda manera cu e ta, cu tempo e azeta lo disparce for di e costanan di Aruba. E parhanan cu ta broei na e momentonan aki, vooral ariba e caynan, niun di nan a wordo afecta y esey ta un milager. Banda di esey tabata tin algun problema cu algun pisca, pero door di e coriente di lama, cu a manda esaki for di Aruba, y si cualkier parha lo a haya nan mes den problema, e coriente di lama mes lo hib’e afo.
Basicamente, esaki ta un experiencia cu nos mester ta consciente y prepara pa un situacin asina. Segun Sr. Peterson, esaki ta un situacion cu no ta den Aruba su man. Aruba su bisiñanan mes tin problema grandi cu inversion, cu nan no tin bon mantencion, y e biaha aki a toca Trinidad y Venezuela tambe tin su retonan. Si algo grandi sosode ayanan, Aruba lo por haya su mes den un situacion hopi fastioso.
Un oilspill no ta algo cu ta sosode hopi, y tur e experiencia cu Aruba tabata tin den pasado, ta basa loke a pasa cu Exxon den pasado. Dos aña pasa tambe Aruba tabata tin un situacion cu WEB. Loke ta pasando na Aruba mes, tur informacion ta disponibel. Pero si un cos asina bin ariba bo, for di Aruba, e ta garabo di sorpresa.
Si e oilspill a bay banda pazuid di Aruba, esaki lo tabata un catastrofe pa nos turismo. Pero danki Dios cu e coriente di lama mes a hiba esaki afo, segun Sr. Greg Peterson, di Parke Nacional Arikok.