Den cuadro di celebracion di dia di himno y bandera Parke Arikok lo habri su portanan gratis pa e pueblo por bay bishita e parke pornada dia 18 di maart. Segun e director Diego Marquez, nan ta haci e opendag aki specialmente pa e localnan y nan por cana tur caminda den e parke. Turistanan si lo keda paga normal. Recientemente a haci ahuste den e prijsnan di entrada y entre otro a baha e prijs pa e localnan. Esaki sigur a cay den bon tera serca e localnan. E prijs pa turistanan si a aumenta pero esaki no a forma un problema ya cu nan ta custuma caba di paga pa cosnan asina.

Parke ta preparando mas producto pa ofrece e bishitantenan. Aki ta papia riba cosnan manera toolnan specialisa pa wak e parhanan mihor y cosnan similar. Ta trahando duro pa mehora e aspecto aki y tambe e voluntarionan ta yudando hopi pa bin cu mas programanan educacional. Pues kier a recorda tur hende pa no keda sin pasa na nos Parke Nacional dia 18 di Maart proximo.