STEKENE, Belgica – Un pareha di biehito Belga, for di Stekene, diasabra accidentalmente, nan a benta 32 mil Euro afo, cu nan tabata tin warda pa hopi aña largo den pochinan di mata. Trahadonan di sushi a bin haya e biyetenan dialuna bek. E homber, segun HLN, ta lubida y a hiba e pochinan di mata cu e placa gespaar na un truck di sushi.
E muhe a ripara e confusion riba diadomingo. Polis a conseha e muhe pa bay dialuna mainta na e compania di sushi. E trahadonan di biaha a bay busca.
“E container a wordo manda di biaha awe mainta for di Stekene pa Sint-Niklaas. Cuater persona a cuminsa busca rigurosamente. Un ora despues nan a bin haya e suma completo bek,” un vocero di e compania a bisa.
E pareha kier a recompensa e trahadonan aki, pero esakinan a nenga. “Nos ta hopi contento cu nan por a yuda. Nan mes por a haci sin duda bon uzo di e placa,” e vocero a bisa.
Fuente: www.nu.nl