Diabierna ultimo a tuma luga e eleccionnan pa Parlamento di Corsou, caminda cu pueblo di Corsou a sa di a duna un mandato cla y raspa, kende nan kier pa Goberna pais Corsou. Di e manera aki, partidonan PAR (Partido Alternativa Real), MAN y PIN (Partido Inovashon Nashonal), a cera cabes pa traha hunto pa forma un Gobierno di coalicion pa Corsou, pa e periodo 2017-2021, basa riba stabilidad, integridad, cooperacion, siguridad, formacion, inclusion, ordo y innovacion pa realisa e potencial di Corsou y di e manera aki engrandece e bienestar di e populacion.
E declaracion aki ta como un base cu a yega na un acuerdo, caminda cu hunto a yega na e prioridadnan aki.
Alabes, dentro di tres luna despues, e Gobierno nobo lo bin cu un programa di gobernacion cu ta basa riba e prioridadnan ya acorda.
E reparticion di cartera ta como lo siguiente.
PAR
Minister di Asuntonan General, incluyendo Refineria di Korsou NV.
Minister di Enseñansa, Ciencia, Cultura y Deporte.
Minister di Trafico, Transporte y Ordenacion di Teritorio.
Minister di Husticia.
MAN
Minister di Finansas
Minister di Desaroyonan Economico, incluyendo Curacao Oil (Curoil) NV, Integrated Utility Holding NV (Aqualectra) y Buskabaai NV.
Minister di Desaroyonan Social, Labor y Bienestar.
Minister di Maneho, Planeamento y Servicio.
PIN
Minister di Salubridad, Medio Ambiente y Naturalesa.